Hərbi xidmətə Son

“Tottenhem”in cənubi koreyalı hücumçusu Son Hın Min Jeju adasındakı hərbi xidmətini tamamlayıb. Allsport.az xəbər verir ki, 27 yaşlı hücumçunun ölkəsindəki 3 həftəlik xidməti başa çatıb.

Güllə atıcılığında maksimum nəticə göstərən nümunəvi əsgərə xüsusi diplom təqdim olunub.

Ulduz futbolçu 2018-ci ildə Asiya oyunlarında millisi ilə qızıl medal qazandığı üçün 21 aylıq hərbi xidməti 1 ayla əvəzlənib.