Haiti millisinin üzvü “Neftçi”də

“Neftçi” heyətinə yeni futbolçu cəlb edib. Allsport.az saytı xəbər verir ki, Haiti millisinin üzvü Soni Mustivar ilə gələn mövsümün sonunadək müqavilə imzalanıb.

Fransada dünyaya gələn 28 yaşlı yarımmüdafiəçisi bu ölkənin U-20 yaşadək futbolçulardan ibarət yığmasında, “Bastiya” və “Orlean” klublarında çıxış edib.

Rumıniyanın “Petrolul” və ABŞ-ın “Sportinq Kanzas Siti” klublarında legionçu həyatı yaşayıb. O, “Petrolul”la Rumıniya kubokunun, “Sportinq Kanzas Siti” ilə isə ABŞ açıq kubokunun qalibi olub.