“Heç nəyə peşman deyiləm”

Allsport.az saytı xəbər verir ki, “Mançester Siti”nin baş məşqçisi Pep Qvardiola yeni çempionlar liqasının ilk oyununda “İnter”lə heç-heçədən (0:0) sonra fikrini bölüşüb. Sitat:

“Bunun nə qədər çətin olacağını bilirdik. Çünki bu, yüksək səviyyəli komandadır. Biz qalib gəlməyə üstünlük verərdik, amma heç nəyə peşman deyiləm.

“İnter”in oyun tərzini bəyənirəm, ona görə deyirəm ki, yaxşı oynadıq, çünki rəqibin nə qədər yaxşı olduğunu bilirdik. “İnter”in belə müdafiə olunacağını bilirdim. 25 şans yaratmayacağımızı bilirdim – bu mümkün deyil”.