İdman jurnalistlərinin futbol yarışında kimin komandası qalib gəlib?

AFFA, Bakı olimpiya stadionu və media komitəsinin birgə təşkilatçılığı ilə idman jurnalistləri arasında 31 dekabr – Dünya Azərbaycanlılarının Həmrəyliyi Günü və Təqvim ili münasibəti ilə futbol yarışı keçirilib.

Allsport.az saytı xəbər verir ki, ölkənin ən böyük qurğusunda baş tutan turnirdə İlqar Tağıyevin komandası 1-ci, Mahir Rüstəmlinin komandası 2-ci, Hacı Mərdanın komandası isə 3-cü yeri tutub.

Qaliblər kubok, medal və diplomlarla təltif edildilər. Elvin Rüstəmov (futbolplanet.az) turnirin bombardiri olub. Babək Cahandarov turnirin ən yaxşı futbolçusu seçilib. Onlara AFFA-nın hədiyyəsi təqdim edilib.