İdman veteranları ilə gənc idmançılar arasında görüş

Martın 3-də “İdman həftəsi”ində idman veteranları ilə gənc idmançıların görüşü olub.

Allsport.az saytı xəbər verir ki, görüşdə bədən tərbiyəsi və idman veteranları ittifaqının sədri Yaşar Məmmədov, eləcə də Elşad Nərimanov, Rəfiqə Şabanova, Lüdmila Şubina, Çingiz İsmayılov, Məryəm Bağbanlı, Bəxtiyar Ağaxanov, Məhəmməd Müslümzadə, Svetlana İşməmmədova və digər idman veteranları iştirak ediblər.

Azərbaycan dövlət bədən tərbiyəsi və idman akademiyasında keçirilən tədbirdə veteranlar öz idman uğurları və xatirələrini gənc idmançılarla bölüşüb, onların suallarını cavablandırıblar.