İlk 2 gündə 3500 bilet satılıb

Konfrans liqasının 3-cü təsnifatının cavab oyunu çərçivəsində “Qarabağ” – AEL matçına maraq böyükdür. Allsport.az saytı xəbər verir ki, satışa çıxarılan ilk 2 gündə artıq 3500 bilet satılıb.

Nazilər Kabinetinin qərarına əsasən, pandemiyaya görə oyunlara stadion tutumunun 50 faizi qədər azarkeş buraxıla bilər. Bu da o deməkdir ki, 30 minlik tutumu olan Tofiq Bəhramov adına respublika stadionuna 15 min azarkeş buraxıla bilər.

Avqustun 12-də oyun saat 20:00-da başlayacaq. Kiprdə ilk görüş 1:1 başa çatıb.