Kənanla razılıq əldə olunub

“Yuventus” türkiyəli futbolçusu Kənan Ulduzla müqaviləni yeniləmək üzrədir.

Allsport.az xəbər verir ki, Turin klubu 20 yaşlı hücumçusunu 2031-ci ilin yayına qədər komandada saxlamaq üçün danışıqları yekunlaşdırır.

Yeni müqaviləyə əsasən, 10 nömrəli köynəyi sahibi olan Kənanın illik maaşı ciddi şəkildə artırılaraq bonuslarla birlikdə 6 milyon avroya çatdırılacaq.

Hazırda 75 milyon avro bazar dəyəri olan futbolçu cari mövsümdə keçirdiyi 22 matçda 6 qol və 6 məhsuldar ötürmə ilə yadda qalıb.