““Keşlə” daha istəkli idi”

“Səbail” premyer liqanın 19-cu turunda evdə “Keşlə”yə 0:3 uduzub. Allsport.az saytı xəbər verir ki, görüşdən sonra meydan sahiblərinin baş məşqçisi Aftandil Hacıyev bunu söyləyib:

“Oyun haqqında çox danışmaq istəməzdim. Həqiqətən bu gün rəqibdən zəif çıxış etdik. “Keşlə” daha istəkli idi. Düşündüyümüz şeyləri meydanda icra edə bilmədik. Erkən qol buraxdıq və sonradan görüşün gedişatını dəyişməyi bacarmadıq”.