«Khazar Islands Novruz kuboku»nda «Baku-2015» yarımfinala böyük hesabla adladı

Bu gün KİV arasında «Khazar Islands Novruz kuboku»nda 1/4 final mərhələsinin oyunları keçirilib. Allsport.az saytı xəbər verir ki, ilk başlayan matçda böyük hesablı nəticə qeydə alınıb: «Baku-2015» «İctimai» və ATV-in birləşmiş komandasına qalib gəlib.

Həmkarlarımızdan Gündüz Abbaszadə het-trik edib. Digər qolları Elnur Əşrəfoğlu, Erkin İbrahimov və İman Məcidov vurublar. Sabah daha 3 görüş baş tutacaq.

Xatırladaq ki, bu turnir «Avesta Konsern»in və «Xəzər adaları» futzal klubunun təşkilatçılığı, eləcə də «Damla» və «Red Bull» enerji içkilərinin dəstəyi ilə keçirilir.

1/4 final, 9 mart

11:00 «İctimai» – ATV –  «Baku-2015» 0:6
12:00 «Stadium.az-Olimpsport» – «İdmanxəbər.com» 3:1

10 mart

11:00 «İdman» TV – «Azərbaycan» radiosu
12:00 «Xəzər» TV – «Futbol+»