Klublarımızın avrokuboklarda rəqibləri bu tarixlərdə müəyyənləşəcək

UEFA çempionlar liqası və Avropa liqasında 2020/2021 mövsümünün püşkatma mərasimlərinin vaxtları bəlli olub. Allsport.az xəbər verir ki, ÇL-də ilkin və I təsnifat mərhələsinin püşkü avqustun 9-da atılacaq.

Azərbaycanı turnirdə təmsil edəcək “Qarabağ”ın rəqibi həmin gün müəyyənləşəcək.

Avropa liqasında I təsnifat mərhələsinin püşkü avqustun 10-da atılacaq. “Neftçi”, “Keşlə” və “Sumqayıt”ın rəqibləri həmin tarixdə bəlli olacaq.