Konya-2021 İslam oyunlarına hazırlıq müzakirə edilib

Milli paralimpiya komitəsində Konya-2021 İslam həmrəyliyi oyunlarının ilkin proqramına daxil edilmiş idman növləri üzrə baş məşqçilərlə iclas keçirilib.

Allsport.az saytı xəbər verir ki, baş katibi Kamal Məmmədov 5-ci İslamiadanın ilkin proqramı haqqında məlumat verib. Oyunların proqramı Tokio paralimpiadasından tam fərqlidir. Yarışda komitənin idmançılarının da iştirakı nəzərdə tutulur.

Hazırlıqla əlaqədar AMPK-nın strateji fəaliyyət planında nəzərdə tutulmuş tədbirlərin həyata keçirilməsi məqsədilə görüləcək işlər və qarşıda duran vəzifələr geniş müzakirə edilib.