“Legiya” Əmrəlini qrup oyunları üçün sifariş etdi

Avropa liqasının qrup mərhələsində mübarizə aparacaq Polşanın “Legiya” klubu iştirak ərizəsini UEFA-ya təqdim edib.

Allsport.az xəbər verir ki, Varşava təmsilçisi qrup oyunları üçün 25 futbolçu sifariş verib. Onların arasında Azərbaycan millisinin hücumçusu Mahir Əmrəli də var.

Oyunçulardan 2-si qapıçı, 9-u müdafiəçi, 9-u yarımmüdafiəçi, 5-i isə hücumçudur.

“Legiya” İtaliyanın “Napoli”, İngiltərənin “Lester Siti” və Rusiyanın “Spartak” (Moskva) klubları ilə birlikdə C qrupunda mübarizə aparacaq.