«Lokomotiv» 1/4 finalda mübarizəni dayandırdı

Bu gün qadın voleybolçuların CEV kubokunun 1/4 final mərhələsinin cavab matçları başlayıb. Allsport.az saytı xəbər verir ki, yarışda ölkəmizin yeganə təmsilçisi «Lokomotiv» Krasnodarda yerli «Dinamo»nun qonağı olub.

İlk görüşdə evdə rəqibi 3:0 məğlub edən «dəmiryolçular» əvəz matçı öncəsi yaxşı imkan qazanmışdı. Təəssüf olsun ki, Bakı klubu üstünlüyünü Rusiyada qoruya bilməyib.

«Polislər» qarşılaşmanın əsas hissəsini qələbə  ilə bitirib – 3:0 (25:14; 25:19; 25:17). «Qızıl setdə» Teon Buijsin komandası vəziyyəti dəyişməyə çalışsa da, sonda yenə uduzub – 13:15.