Məhəmməd Müslümov: Özüm günahkaram, finalda səhvə yol verdim

«Həlledici görüşdə bir anlığa boşaldım. İranlı rəqibim bundan istifadə edib qalib gəldi. Öz günahkaram, səhvə yol verdim».

Allsport.az saytı xəbər verir ki, bunu Heydər Əliyev adına sarayda KİV-ə açıqlamasında sərbəst güləşçi Məhəmməd Müslümov (65 kq) dedi. İslamiadanın gümüş mükafatçısının sözünə görə, Arazın o tayından olan pəhləvanla əvvəllər də qarşılaşıb:

«Rəqibimi tanıyırdım, öncələr görüşmüşdük. Qarşıda Bakıda Qızıl qran-pri və Parisdə dünya çempionatı gəlir. Bu yarışlarda iştirak edəcək heyətdə yer alsam, burdakı məğlubiyyətin əvəzini çıxmağa çalışacağam».