Mahir Şükürov Türkiyə klubunun əsas heyətindən uzaqlaşdırıldı

Azərbaycan yığmasının müdafiəçisi Mahir Şükürov Türkiyənin “Qarşıyaxa” klubunun əsas heyətindən uzaqlaşdırılıb. Allsport.az xəbər verir ki, bu barədə İzmir klubunun baş məşqçisi Ayhan Akmanın rəhbərlik etdiyi məşqçilər korpusu qərar verib.

Buna səbəb onun yığmamızın düşərgəsindən 3 gün gec qayıtması səbəb olub. Nəticədə, Mahir klubun gənclərdən ibarət komandasına göndərilib. O, eyni zamanda pul cəriməsi də ödəməli olacaq.