Mariya Stadnik 250 xarici güləşçiyə ustad dərsi keçdi

Qadın güləşi üzrə U17 milli komandamız Estoniyanın paytaxtı Tallində təlim-məşq toplanışını davam etdirir.

Allsport.az xəbər verir ki, aprelin 1-dək davam edəcək hazırlıq prosesində 41 ölkədən 250 güləşçi iştirak edir. Milli komandanın böyük məşqçisi Mariya Stadnik toplanış çərçivəsində bütün yeniyetmə güləşçilər üçün ustad dərsi keçib. O, masterklassda müxtəlif fəndlərin icrasını nümayiş etdirib.

Komandamız Avropa çempionatına hazırlıq çərçivəsində növbəti toplanışı aprelin 6-dan 24-dək Bakıda keçəcək.