Mariya Stadnik dünya əmsalında 2-ci yerdədir

Dünya Güləş Birliyi ötən ilin yekunlarına əsasən bu ilin ilk reytinqini açıqlayıb. Allsport.az saytı xəbər verir ki, qadınların sıralamasında 7 idmançımızın adı var. Onlardan 3-nün adı onluğa daxil edilib.

Ən yüksək göstərici Rio oyunlarında 48 kq-da gümüş medal qazanan Mariya Stadnikdədir. O bu siyahıda da 2-ci yerdədir.

Olimpiadanın bürünc medalçısı Nataliya Sinişin (53 kq) əmsalda 4-cüdür. “Dördilliyi”i 5-ci sırada tamamlayan Yuliya Ratkeviç (58 kq) 6-cı pillədədir.