Martines İtaliyaya köçə bilər

“İnter” “Aston Villa”nın qapıçısı Emiliano Martineslə maraqlanır.

Allsport.az xəbər verir ki, Milan təmsilçisi 33 yaşlı argentinalı qolkiperin nümayəndələri ilə yay transferi barədə ilkin danışıqlara başlayıb.

Martines “İnter”in Yan Zommeri əvəzləyə biləcək oyunçular siyahısında yer alır.

Cari mövsümdə keçirdiyi 21 matçın 6-da qapısını toxunulmaz saxlayan dünya çempionunun İngiltərə klubu ilə 2029-cu ilin yayına qədər müqaviləsi var.