Millimiz seçmə mərhələni qələbə ilə başa vurdu

Futbol üzrə qadınlardan ibarət millimiz Avropa çempionatının seçmə mərhələsi çərçivəsində sonuncu oyununa çıxıb. Allsport.az xəbər verir ki, Siyasət Əsgərovun çalışdırdığı komanda Moldova ilə üz-üzə gəlib.

“ASK Arena”da keçirilən görüşün taleyini bir qol həll edib. Aysun Əliyevanın 46-cı dəqiqədə vurduğu qol yığmamıza qələbə qazandırıb.

Son olaraq bir neçə gün öncə İspaniya yığmasına 0:13 hesabı ilə uduzan millimiz yer aldığı “D” qrupunda bu oyuna qədər xal qazana bilməmişdi və sonuncu – 5-ci pillədə qərarlaşmışdı. Son oyundakı qələbə də yığmamızın mövqeyinə təsir etməyib. Komandamız seçmə mərhələni qrup sonuncusu kimi başa vurub.