Millimizin keçmiş futbolçusu “Manisaspor”la anlaşıb

Azərbaycan millisinin və “Sumqayıt”ın keçmiş futbolçusu Uğur Pamuq özünə yeni klub tapıb. Allsport.az saytı xəbər verir ki, o, növbəti mövsümdən karyerasını Türkiyənin PTT 1-ci liqasında çıxış edən “Manisaspor”da davam etdirəcək.

Uğur artıq yeni klubu ilə iki illik müqavilə də imzalayıb. Həmvətənimiz keçidi ilə bağlı fikrini açıqlayıb: “Manisaspor” kimi kluba keçdiyimə görə şadam. Bu komandaya maksimum faydalı olmaq istəyirəm”.