Millimizin sabiq futbolçusuna ehtiyac duyulmadı

Türkiyə PTT 1-ci liqasında 9-cu turun oyunları keçirilib. Allsport.az xəbər verir ki, Azərbaycan yığmasının sabiq müdafiəçisi Ufuk Budağın komandası – “Qaziantep BB” də növbəti matçına çıxıb.

Sözügedən klub səfərdə “1461 Trabzon”la qarşılaşıb. Matç 2:1 hesabı ilə futbolçumuzun komandasının xeyrinə başa çatıb. Budaq bu görüşün iştirak ərizəsinə daxil edilməyib.

Qeyd edək ki, “Qaziantep BB” hazırda 17 xalla 3-cü pillədə qərarlaşıb.