MOK-da ABŞ-ın qadın güləşi mütəxəssisləri ilə görüş

Milli olimpiya komitəsində ABŞ-nın Azərbaycanda səfirliyinin rəsmi nümayəndələri və qarşı tərəfin təşəbbüsü ilə ölkəmizdə səfərdə olan bu ölkənin qadın güləşi üzrə mütəxəssislər ilə görüş olub.

Allsport.az saytı xəbər verir ki, toplantıda MOK-un vitse-prezidentləri Çingiz Hüseynzadə, Zemfira Meftəhəddinova, idman idarəsinin müdiri Həsənağa Rzayev, ABŞ-ın Azərbaycandakı səfirliyinin mətbuat məsələləri üzrə müşaviri Vanessa Zenci, Arkanzas ştatının güləş assosiyasıyasının sədri Kristi Man, “Wrestle Like a Girl” təşkilatının idarə heyətinin üzvü Tela Baçer, AGF-nin baş katibi Nəsimi Musayev, MOK-un marketinq şöbəsinin direktoru Səkinə Vəliyeva və mətbuat katibi Murad Fərzəliyev iştirak ediblər.