Murad Məmmədov elit-raund mərhələsinə təyinat alıb

Beynəlxalq dərəcəli hakim-inspektor, AFFA-nın Beynəlxalq Əlaqələr Şöbəsinin əməkdaşı Murad Məmmədov yeni təyinat alıb. Allsport.az xəbər verir ki, futzal üzrə UEFA Kubokunun elit-raund mərhələsinin A qrupunda keçiriləcək oyunların hakim-inspektoru Murad Məmmədov olacaq.

İspaniyanın “İnter FS”, Belarusun “Lidselmash Lida”, Fransanın “Kremlin Bicetre United” və Sloveniyanın “Dobovec” komandalarının mübarizə aparacağı A qrupunun oyunları noyabrın 12-dən 15-dək İspaniyanın Torrexon-de-Ardos şəhərində keçiriləcək.