“Nəticənin yaxşı olmamasına bir az da hava şəraiti təsir etdi”

“Sumqayıt” premyer liqanın 13-cü turunda evdə “Sabaha” 1:2 uduzub. Allsport.az saytı xəbər verir ki, meydan sahibinin məşqçisi Elnur Çodarov mətbuat konfransında bunu deyib:

“Oyuna yaxşı hazırlaşmışdıq. İstəyirdik ki, ili qələbə ilə başa vuraq. Nəticənin yaxşı olmamasına bir az da hava şəraiti təsir etdi.

Buna baxmayaraq, komanda meydanda son dəqiqəyə qədər mübarizə apardı. Futbolçularımıza təşəkkür edirəm”.