“Neftçi” hazırlığa başladı

“Neftçi” mövsümün ikinci yarısının iki mərhələdən ibarət hazırlığına bu gün start verib.

Allsport.az xəbər verir ki, səhər fitnes zalında məşq edən komanda üzvləri axşam hazırlığını “Türk hava yolları futbol mərkəzi”ndə keçib. Səhər məşqi əsasən fiziki, axşam məşqi isə toplu çalışmalara həsr olunub.

Yanvarın 10-dək gündə iki məşqə çıxacaq “Neftçi” ayın 11-i təlim-məşq toplanışının ikinci mərhələsini keçməkdən ötrü Türkiyəyə yola düşəcək.