“Neftçi” səfərdən 3 xalla dönür

Azərbaycan premyer liqasında V turun daha bir oyunu keçirilib. 

Allsport.az xəbər verir ki, turun ikinci oyun gününün ilk görüşündə “Sabah” “Neftçi”ni qəbul edib. “Bank respublika arena”da təşkil olunmuş qarşılaşma qonaq komandanın qələbəsi ilə yekunlaşıb – 2:1.

FIFA referisi Əliyar Ağayevin idarə etdiyi matçda ilk qol 20-ci dəqiqədə vurulub. Sabir Buqrinin zərbəsindən sonra Ramon Maçadoya dəyən top tora daxil olub. Bu, Maçadonun ardıcıl ikinci matçda ikinci qolu olub. 

“Neftçi” ikinci qoluna 78-ci dəqiqədə əks-hücumun yekununda imza atıb. Bu dəfə Mamadu Kane fərqlənib. 

“Sabah”ın təsəlli qolunu isə 81-ci dəqiqədə uzaqdan zərbə ilə Aleksey İsayev vurub. 

Beləliklə, xalını 10-a çatdıran “Neftçi” 3-cü pilləyə yüksəlib. “Sabah” isə 1 xalla sonuncu pillədə qalıb.