“Neftçi” yeni baş məşqçi ilə ilk məşqə çıxıb

“Neftçi” premyer liqanın 10-cu turunda “Qəbələ” ilə oyunun hazırlığını davam etdirir. Allsport.az saytı xəbər verir ki, bu gün “ağ-qaralar” yeni baş məşqçi Samir Abbasovun rəhbərliyi ilə ilk məşqə çıxıb.

“Neftçi” televiziyası “İsmət Qayıbov” adına bazada müxtəlif fiziki təmrinlər və toplu çalışmaları canlı yayımlayıb. Müşahidə şurasının da izlədiyi məşqdə millinin düşərgəsində olan futbolçular iştirak etməyiblər.

Ötən ay dirsəyindən əməliyyat olunmuş qapıçı Səlahət Ağayev isə artıq fərdi məşqlərə başlayıb.

“Qəbələ” – “Neftçi” oyunu noyabrın 22-si keçiriləcək.