“Neftçi”də qambiyalı hücumçu

“Ağ-qaralar” qambiyalı Dembo Darbonu heyətinı qatıb. Allsport.az saytı xəbər verir ki, onunla 2 illik anlaşılıb. Bundan əvvəl müqavilə ilə BƏƏ-nin “Əl-Nəsr” klubuna məxsus olan futbolçu icarə əsasında Qazaxıstanın “Astana” və “Ordabaşı” klublarında çıxış edib.

Sonuncu mövsümdə Qazaxıstan çempionatında 8 oyunda meydana çıxıb, 3 qol və 1 məhsuldar ötürmə müəllifi olub. Baş məşqçi Roman Qriqorçukun rəhbərliyi ilə Soliqorsk “Şaxtyor”unda oynamış mərkəz hücumçusu 2021-ci ildə Belarus çempionatının və superkubokunun qalibi olub.

O, Qambiya millisində 5 oyun keçirib.