“Neftçi”nin futbolçusu cəzalandı, “Qarabağ”a 800 manat cərimə

İntizam Komitəsinin iclası keçirilib. Allsport.az xəbər verir ki, iclasda premyer liqanın 15-ci turu ilə bağlı aşağıdakı qərarlar qəbul olundu:

“Neftçi”nin müdafiəçisi Voislav Stankoviç “Sumqayıt”la oyunda sonuncu ümid fouluna görə birbaşa qırmızı vərəqə aldığı üçün 1 oyun cəzalanıb, paytaxt klubu 200 manat cərimə olunub.

“Sumqayıt” klubunun azarkeşləri pirotexniki vasitələrdən istifadə etdiyi üçün klub 800 manat cərimə olunub.

“Qarabağ”ın 4 futbolçusu “Səbail”lə matçda sarı vərəqə ilə cəzalandığı üçün klub 800 manat cərimə olunub.

“Qəbələ” ilə oyununda “Keşlə”nin 5 futbolçusunun sarı vərəqə ilə cəzalandığı üçün klub 800 manat cərimə olunub.