“Neftçi”nin qapıçısının 5-ci quru oyunu

Premyer liqasının cari mövsümündə ən çox quru oyun keçirən qapıçıların siyahısında dəyişiklik olub. Allsport.az saytı xəbər verir ki, “Sabah”la görüşdə çərçivəni toxunulmaz saxlayan Aqil Məmmədov zirvəyə şərik çıxıb.

“Neftçi”nin qolkiperi mövsümdə 5-ci quru oyununu keçirib. O bu göstəricidə rekordçu olan Mateus Albinoya çatıb. “Zirə”nin legionçusu da 5 matç qol buraxmır.

3-cü sırada Stanislav Namaşko qərarlaşıb. “Keşlə”nin əlcək sahibi 4 matçda çərçivəni toxunulmaz saxlayıb.