“Neftçi”yə qarşı hazırlıq

21-ci turda səfərdə “Qəbələ” ilə heç-heçə edən “Sumqayıt” 1-günlük istirahətin ardından məşqləri bərpa edib. Allsport.az saytı xəbər verir ki, komanda saat 16:00-da doğma stadionuna çıxıb.

Çalışmanın ilk hissəsində yüngül qaçış və toplu çalışmalara üstünlük verilib. Hazırlığa fitness zalında yekun vurulub. “Kimyaçılar”ın növbəti məşqi bu gün saat 15:30-da başlayacaq.

Bu klubların görüşü 8 aprel saat 18:30-da “8-ci km” stadionunda keçiriləcək. Matç “CBC Sport” telekanalı vasitəsilə canlı yayımlanacaq.