““Əl Hilal” Asiyanın ən yaxşı klubu olmaq niyyətindədir”

Ruben Neves, “Əl-Hilal”a transferini izah edib. Allsprot.az xəbər verir ki, 26 yaşlı yarımmüdafiəçi Səudiyyə Ərəbistanı klubuna 47 milyon funt-sterlinqə “Vulverhempton”dan keçib.

“”Əl Hilal”a transfer haqqında heç bir şübhəmin olmamasının əsas səbəbi, ailəmi həmişə istədiyim həyat tərzi ilə təmin etmək istəyi idi.

Baxmalı olduğum bir həyat yoldaşım və üç uşağım var. Onlar mənim ən böyük kubokumdur. Bu mənim qərarıma çox təsir etdi.

Amma dediyim kimi, layihə ilə maraqlandım. “Əl Hilal” Asiyanın ən yaxşı klubu olmaq niyyətindədir.

Mənim keçidimdən sonra sosial şəbəkələr sadəcə partladı. Bu, inanılmaz idi – azarkeşlərin sayı, onların futbola olan həvəsi. Əminəm ki, özüm və ailəm üçün düzgün qərar vermişəm” –  Neves deyib.