Odina Bayramova “İmoko”ya qarşı oyunda ən yaxşılardan olub

Qadınların İtaliya “A seriyası”nın 13-cü turunda millimizin volebolçusu Odina Bayramovanın çıxış etdiyi “Firenze” səfərdə “İmoko” klubu ilə qarşılaşıb. Gərgin keçən oyun ev sahibələrinin üstünlüyü ilə biti – 3:1 (25:19, 23:25, 27:25, 25:19).

Yığmamızın kapitanı görüşün ən yaxşılarından olub. O, 14 xal qazanıb. “Firenze” 12 komandanın yer aldığı çempionatda 12 xalla 9-cu yerdədir.