Ölkə çempionatında yenilik

Yeniyetmələr, gənclər və böyüklər arasında keçiriləcək taekvondo üzrə Azərbaycan çempionatında hər klubdan eyni çəki dərəcəsində 2 idmançının iştirakına icazə veriləcək.

Allsport.az xəbər verir ki, bu barədə Azərbaycan taekvondo federasiyasının rəsmi feysbuk səhifəsi xəbər yayıb.

Bildiirlib ki, COVID-19 pandemiyası ilə əlaqədar ölkədə xüsusi karantin rejimi davam etdiyindən zona, şəhər birincilikləri keçirilməyib: “Bu amilin məşqçi və zona rəhbərlərinə idmançı seçimi etməkdə çətinlik yaradacağını nəzərə alaraq, federasiyanın idarə heyəti və hakimlər komitəsi respublika çempionatında hər klubdan eyni çəki dərəcəsində 2 idmançının iştirakına icazə verilməsini qərara alıb”.

Taekvondo üzrə Azərbaycan çempionatı 30 noyabr – 5 dekabrda təşkil olunacaq.