Ölkə kubokunun finalçıları

“Yaşıl dünya naminə həmrəylik ili” çərçivəsində qadın voleybolçular arasında ölkə kubokunda finalçılar bəlli olub.

Allsport.az xəbər verir ki, bu gün GİN-in voleybol mərkəzində keçirilən yarimfinal mərhələsində ilk olaraq “Gəncə” və “Milli aviasiya akademiyası” klubları üz-üzə gəliblər. Gərgin keçən bu oyunda “Gəncə” 3:1 hesabı ilə qələbə qazanıb.

Növbəti qarşılaşma isə “Azərreyl” və “Abşeron” komandaları arasında baş tutub. Bu oyunda 3:1 hesabı ilə qalib gələn “Abşeron” finala yüksəlib.

Beləliklə, qadınların mübarizəsində finalda (4 noyabr) “Gəncə” və “Abşeron” komandaları üz-üzə gələcək.

1 noyabr
Ölkə kuboku
Yarımfinal

“Gəncə” – “Milli aviasiya akademiyası” 3:1 (29:27, 25:21, 19:25, 25:20)
“Azərreyl” – “Abşeron” 1:3 (27:25, 19:25, 15:25, 13:25)