“Omoniya” təcrübəli və keyfiyyətli futbolçulardan təşkil olunub”

“Zirə”nin baş məşqçisi Rəşad Sadıqov Kiprdə “Omoniya” komandasına qarşı keçirəcəkləri konfrans liqasının pley-off mərhələsinin ilk oyunundan əvvəl mətbuat konfransına qatılıb.

Allsport.az xəbər verir ki, mütəxəssis sabah vacib və maraqlı oyuna çıxacaqlarını bildirib:

“Artıq iki aya yaxındır ki, avrokuboklarda çıxış edirik. Rəqib komanda təcrübəli və keyfiyyətli futbolçulardan təşkil olunub. “Omoniya” Azərbaycan futbol camiəsinə tanış rəqibdir. “Qarabağ” və “Qəbələ”yə qarşı mübarizə aparıblar. Heyətlərini yeni futbolçularla gücləndiriblər. Bu, onların çıxışlarına müsbət təsir edib. Sabah azarkeşlər maraqlı və gərgin oyuna şahidlik edəcəklər”.