Orxan Məmmədov “Alanyaspor”un və “Rubin”in rəhbərləri ilə görüşüb

“Zirə”nin müşahidə şurasının sədri Orxan Məmmədov ölkəmizdə səfərdə olan Türkiyənin “Alanyaspor” klubunun prezidenti Həsən Çavuşoğlu və Rusiyanın “Rubin” komandasının direktoru Şamil Hüsniddinovla görüşüb.

Allsport.az saytı xəbər verir ki, 2 klub rəhbəri ilə görüşdə futbolla bağlı müxtəlif məsələlər ətrafında fikir mübadiləsi aparılıb. Həmçinin yeni layihələr və klublar arasında əməkdaşlıq perspektivləri də müzakirə edilib.