Paolo Rossinin dəfni zamanı evi qarət olunub

Ötən həftə 64 yaşında vəfat edən əfsanəvi italiyalı futbolçu Paolo Rossinin evi dəfn zamanı qarət edilib. Allsport.az saytı xəbər verir ki, cinayətkarlar dünya çempionunun qol saatı daxil olmaqla, şəxsi əşyalarını oğurlayıblar. Hadisə ilə bağlı polis araşdırma aparır.

Ünlü hücumçu 1982-ci ildə İspaniyada keçirilmiş Dünya Kubokunda 6 qolla bombardir olub və İtaliya millisini təkbaşına qalib edib. O, həmin il “Qızıl top” da qazanıb.