Paracüdo millimizdən qitə çempionuğu

Qarışıq paracüdo millimiz Avropanın ən güclüsü adını qazanıb. Allsport.az saytı xəbər verir ki, İtaliyanın Genuya şəhərində qitə çempionatının komanda yarışında yığmamız Türkiyəni 5:1, yarımfinalda Rusiyanı 4:3 və finalda İBSA-nın yığmasına 6:0 qalib gəlib.

Bizdən heyətdə İlham Zəkiyev (+100 kq), Hüseyn Rəhimli (81 kq), Bayram Mustafayev (66 kq), Dürsədəf Kərimova (+70 kq), Xanım Hüseynova (63 kq) və Səbinə Abdullayeva (52) olub.

Qeyd edək ki, ACF-in dəstəyi ilə bu yarışda iştirak edən paracüdoçularımız öncə fərdi yarışlarda 10 medal (1 qızıl, 4 gümüş və 5 bürünc) qazanıb.