Premyer Liqada ilin son turu rəqəmlərdə

Bu həftə Topaz Premyer Liqasında 2015/16 mövsümünün ilk yarısı başa çatacaq. Allsport.az xəbər verir ki, ikinci dövrənin və ilin son turunun qarşılaşmaları iki gün davam edəcək.

18-ci turun mərkəzi qarşılaşmasında “Qarabağ”la “Qəbələ” üz-üzə gələcək. Peşəkar Futbol Liqasının rəsmi saytı 18-ci turda üz-üzə gələn cütlərin əvvəlki çempionatlardakı oyunlarının balansını təqdim edir.

Topaz Premyer Liqası
18-ci tur
19 dekabr  (şənbə)

86. “Qarabağ” – “Qəbələ” – 29 oyun, +13=9-7, top fərqi 39-27

Liderlər qrupunda yer alan komandalar 30-cu – yubiley duelinə çıxacaq. “Qarabağ” son 4 matçda qalib gələ bilməyib. Ardıcıl 2 oyunda isə qalib müəyyənləşməyib.

87. “Sumqayıt” – “Rəvan” – 13 oyun, +2=5-6, top fərqi 12-16

Son 5 görüşdə sumqayıtlılar qalib gələ bilməyib. Ardıcıl 4 oyunda komandalar hərəyə 1 xal qazanıb. Bütün səfər oyunlarında 1 qol vuran “Rəvan” 6 oyundan 4-də 1:0 hesabı ilə qalib gəlib.

20 dekabr  (bazar)

88. AZAL – “Zirə” – 1 oyun, +0=0-1, top fərqi 0-1

Yalnız cari mövsümdə üz-üzə gələn komandaların ilk duelinin taleyini 1 qol həll edib. “Zirə” səfər qarşılaşmasında minimal hesabla qalib gəlib.

89. “Kəpəz” – “Neftçi” – 40 oyun, +15=6-19, top fərqi 36-62

Rəqiblər 34 aydan sonra Gəncədə qarşılaşacaq. Bu matçda vurulacaq 2-ci qol komandaların duellərində 100-cü olacaq. “Neftçi” 8 matçdır rəqibinə uduzmur. “Kəpəz” son qələbəsini 10 il əvvəl qazanıb.

90. “İnter” – “Xəzər Lənkəran” – 33 oyun, +12=15-6, top fərqi 37-29

“İnter” son 3 ev oyununda qalib gəlib. “Xəzər Lənkəran” 8 matçdır səfərdə qələbə qazana bilmir.