Prezident kubokunun qrupları

Dekabr ayının 14-də Azərbaycan atçılıq Federasiyası tərəfindən ənənəvi olaraq təşkil edilən çövkən üzrə 11-ci Prezident kubokunun mətbuat konfransı və püşkatma mərasimi keçirilmişdir.

Allsport.az xəbər verir ki, federasiyanın baş katibi Bəhruz Nəbiyev çıxışında ötən mövsüm peşəkar çövkən liqasının (PÇL) nəticələrindən bəhs etmiş, transfer pəncərəsinin açılması barədə məlumat verərək 2025-ci ildə tətbiq ediləcək yeniliklərdən danışmışdır.

Mətbuat konfransının növbəti hissəsində prezident kubokunun püşkatma mərasimi keçirilmişdir.

8 komanda 4 güc səbətinə bölünən püşkatmanın nəticəsi:

“A” qrupu: “Sərhədçi”, “Zəfər”, “Embavud”, “Şirvan”

“B” qrupu: “Polad”, “Ömər”, “Elit”, “Köhlən”

Yarışın ilk oyunlarına 16 dekabrda Binə atçılıq mərkəzinin qapalı meydanında start veriləcək. Qrup mərhələsi 16, 18 və 20 dekabr tarixlərində keçiriləcək və hər gün saat 15:00-da dörd oyun oynanılacaq.

23 dekabr saat 15:00-da yarımfinal görüşləri, 24 dekabr saat 19:00-da üçüncülük uğrunda, saat 20:00-da isə final qarşılaşması keçiriləcək.