“”Qarabağ” bizim futbolçuya yaxşı təklif göndərmişdi”

“Hauqesund”un meneceri Eirik Opedal “Qarabağ”ın İbrahim Vədcini transfer etməsi barədə danışıb. Allsport.az saytı xəbər verir ki, o, Norveç klubunun saytına açıqlamasında qarşı tərəfin sərfəli məbləğ təklif etdiyini bildirib:

“Qarabağ”dan Vədci üçün yaxşı və dəyərləndirməyimiz lazım gələn bir təklif aldıq. Onu buraxmağı, bu fürsəti verməyi düzgün hesab etdik. Bu yay hücum xəttimizi yaxşı gücləndirmişik. Artıq klubda Vədcini əvəz edə biləcək oyunçular var”.

“Köhlən atlar” 26 yaşlı hücumçu ilə 3-illik anlaşıb.