RƏSMİ

“Qarabağ” – “Mölde” oyunu neytral meydanda

Çempionlar liqasının 3-cü təsnifat mərhələsində “Qarabağ”ın “Mölde” ilə matçı Kiprin Larnaka şəhərində keçiriləcək.

Allsport.az xəbər verir ki, Larnaka stadionunda baş tutacaq matç sentyabrın 16-sı Bakı vaxtı ilə 21:00-da start götürəcək.

Püşk “Qarabağ”ı ev sahibi etsə də, Norveç klubunun Bakıya qayıtdıqdan sonra karantində qalmasını əsas gətirməsi nəticəsində UEFA qarşılaşmanın neytral meydanda keçirilməsi barədə qərar qəbul edib.