“Qarabağ”dan Çin klubuna keçir

“Qarabağ”ın futbolçusu Dani Kintana Çindən təklif alıb.

Allsport.az xəbər verir ki, 32 yaşlı yarımmüdafiəçi “CBC Sport”a açıqlamasında bu barədə məlumat verib:

“Hələ danışıqlar gedir. Məsələ rəsmiləşməyib. Sadəcə, komandanın əsas heyət üzvü olmaq istəyirəm. Əlbəttə, neçə ildir “Qarabağ”dayam. Bura çox bağlanmışam. Son sözü demək indi çox çətindir”.

Dani 2015-ci ildən “Qarabağ”da çıxış edir. Təcrübəli oyunçu bu mövsüm 24 oyuna 6 qol vurub.