“Qarabağ”ın əlindən güclə qurtulan alman rəqibi iranlı hücumçunu ərəb klubuna satdı

“Bayer”in və İran millisinin hücumçusu Sərdar Əzmun karyerasını BƏƏ-də davam etdirəcək.

Allsport.az saytı xəbər verir ki, “Zenit”, “Rostov” və “Rubin”in keçmiş futbolçusu “Şabab Əl-Əhli”yə keçməyə razılıq verib.

Leverkuzen klubu 29 yaşlı futbolçu üçün 5 milyon avro alacaq. O, bazar ertəsi tibbi müayinədən keçəcək.

“Qarabağ” və “Bayer” ötən avrokubok mövsümündə 4 dəfə qarşılaşıblar. Qrupda almanlar üstün olsalar da, 1/8 finalda “köhlən atlar” hər 2 matçda 2:0 üstün olmasına rəğmən, sonda Avropa liqasında mübarizəni dayandırıb.