“Qarabağ”ın qrupda rəqibi 6-cı dəfə Avropa liqasını qazandı

Bu gün Avropa liqasında final oynanılıb. Allsport.az saytı xəbər verir ki, koronavirus pandemiyası üzündən martdan dayandırılan və bu ay bərpa olunan yarışın həlledici görüşündə İspaniyanın “Sevilya” və İtaliyanın “İnter” klubları üz-üzə gəliblər.

Almaniyanın Köln şəhərinin “Reyn Energi” stadionunda qarşılıqlı hücumlar şəraitində keçən matçda əndəluslar 3:2 qalib gələrək, 6-cı dəfə baş mükafata sahibləniblər.

Qalib komanda cari mövsümdə “A” qrupunda “Qarabağ”la bir yer almışdı.