Qurban Qurbanovdan yeni rekord

“Qarabağ”ın baş məşqçisi Qurban Qurbanov yeni rekord edib. Allsport.az saytı xəbər verir ki, premyer liqanın 12-ci turunun “Sumqayıt”la qarşılaşması 47 yaşlı mütəxəssisin baş məşqçi postunda 382-ci matçı olub. Bununla da o, yarışın tarixində ən çox oyun keçirən mütəxəssis adına yiyələnib.

2006-cı ildə “Neftçi”də debüt edən çalışdırıcı 2006/07 və 2007/08 mövsümlərində komandanı 28 qarşılaşmaya çıxarıb. 2008-ci ildən baş məşqçisi olduğu “Qarabağ”la 354 dəfə çempionat oyununda iştirak edib.

Qurbanov müxtəlif illərdə “Viləş”, “Şəmkir”, “Masallı” və MOİK-in baş məşqçisi kimi yüksək dəstədə 381 oyun keçirən Qəhrəman Əliyevin rekordunu arxada qoyub.

Qeyd edək ki, “Sumqayıt”la görüşdə 1:2 hesabı ilə məğlub olan “Qarabağ”ın 31 oyunluq məğlubiyyətsizlik seriyası qırılıb. Sonuncu dəfə 2018-ci il oktyabrın 28-də “Neftçi”yə 1:3 hesabı ilə uduzan ağdamlılar 390 gündən sonra çempionat matçında xal qazanmayıb. Bu seriya Azərbaycan çempionatları tarixinin mütləq rekordudur.