ÖZƏL

«Rabitə»nin idman direktoru İlqar İmamquluyev komandadan ayrılıb

«Rabitə» klubunun idman direktoru İlqar İmamquluyev vəzifəsindən azad edilib. Allsport.az saytına daxil olan məlumata görə, onun «mavi yaşıllar»ı tərk etməsinə səbəb, komanda prezidenti Cəlil Cəfərovla fikir ayrılığıdır.

Voleybol ictimaiyətinə İlqar Azero kimi tanınan İmamquluyev «Rabitə»də transfer siyasəti ilə məşğul idi. Çox güman, rəhbərlik, 7-qat ölkə çempionunun cari mövsümdə uğursuz çıxışını, heyətdə yer alan oyunçuların özünü doğrultmaması ilə əlaqələndirir.

Əldə etdiyimiz bilgiyə görə, onu bu vəzifədə Şahlar adlı şəxs əvəzləyib.