Rafiq Hüseynov erməni yunan-Roma güləşçisinə qalib gəldi, Tokio-2020-də bürünc medal qazandı

Tokio olimpiadasında növbəti müjdə sədası gəlib. 

Allsport.az saytı xəbər verir ki, bu gün yunan-Roma güləşçimiz Rafiq Hüseynov (77 kq) 3-cü yer uğrunda görüşdə ermənistanlı Karapet Çalyanla üz-üzə gəlib.

İlk hissəni 0:1 geridə bitirən 2-qat Avropa çempionumuz, növbəti yarıda fəallığını artırıb. Buna görə və rəqibin kobud çıxışına görə hesabına ardıcıl xallar yazdıran Rafiq, olimpiya millimizə 3-cü bürünc medalı qazandırıb.

Hüseynovun 33 yaşı var. Bu Tokio-2020 onun ilk və sonuncu olimpiadasıdır.