Ramil Şeydayev əvəzedici komandaya göndərildi

“Sabah” millimizin üzvü Ramil Şeydayevi əvəzedici komandaya döndərib. Allsport.az xəbər verir ki, 24 yaşlı hücumçu bu gün divizionun 16-cı turunda “Qaradağ Lökbatan”a qarşı keçiriləcək matçda iştirak edəcək.

Şeydayev görüşün start heyətində yer alıb. Ramil bu mövsüm premyer liqada keçirdiyi 16 oyunda (754 dəqiqə)  3 qol vurub. Onun paytaxt təmsilçisi ilə müqaviləsi iyunun 30-da baş çatacaq.